Folklorys kūpai “Ceidari” izguojs Bierzpiļs dzīšmu digitalais albums

Jau desmit godu Reigā dorbojās folklorys kūpa “Ceidari”, kurā apsavīnuojuši Reigā i apleicīnē dzeivojūši latgalīši nu vysaidu Latgolys vītu. Niu, kūpa izdavuse digitalū albumu “Dzīduotumi, ļustātumi”, kas veļteits Bierzpiļs pusis dzīduotuojim i jūs dzīsmem. Albumā īkļautys desmit dzīsmis, kū sovulaik dzīduojuši Bierzpiļs apleicīnē dzymušī dzīduotuoji. Aiz tuo ītūreiz iz sarunu asam aicynuojuši „Ceidaru dalinīkus”– Edeiti Laimi, Martu Sīli, Juri Viļumu, Kristīni Pokratnieci, Leilu Rasimu, Ilzi Rudlapu i Aivaru Rožānu.