SUPRĀTKYS – Ezernīki, nazkodejuo Bukmuiža, atsarūn energetiskajūs krystceļūs

Itūreiz „Kolnasātys” rodūšuo komanda beja otkon nūbraukuse iz suprātkom aba vakariešonu, kab kluotīnē sasatyktu ar vītejim dzeivuotuojim kaidā nu Latgolys pogostu i pasarunuotu par dzeivi, tradicejom i volūdys sovpateibom ite. Aiz tuo itūreiz aicynojam jius īpasazeit ar Kruoslovys nūvoda Ezernīku pogostu i iteinis ļaudim. Ezernīki kai apdzeivuota vīta izaveiduoja ap nazkodejuos Bukmuižys centru i kaidu laiku tyka saukti par Bukmuižu, kas vītejūs runā dzeivoj ari šudiņ.