Maja dzīduojumi pi ceļamolu krystu – elitara līta

Ceļmolu krysti aba krucifiksi ir tipiska Latgolys ainovys sastuovdaļa. Nazkod tī beja gondreiž kotrā cīmā. Maja, Svātuos Jaunovys Marejis mieneša, vokorūs cylvāki sasalaseja ap tūs iz kūpeigom lyugšonom. Latgolā vītejuos kūpīnys vys vēļ uztur itū namaterialuo kulturys montuojuma sarokstā īkļautū tradiceju dzeivu. Itūreiz asam nūbrukuši iz Bolvu nūvoda Bierzpiļs pogostu, kur ar vītejom sīvom – Lūciju Gaspažiņu (Centra krysta dzīduojumu vodaks), Annu Poševu, Annu Krivišau, Adriju, Stefāniju i Aiju sasateikam pi Centra krucifiksa. Kūpā ar mums ir ari Zīmeļlatgolys tradicionaluos kulturys kūpieja, Bolvu Centraluos bibliotekys vadeituoja i ilggadeja Zīmeļlatgolys krucifiksu apsekuotuoja i pietneica Ruta Cibule.